عدنا والعود أحمد
بصراحة أخذت جم يوم انما ايـــه
لوووووووووووووووووووول
ضحك ضحكت بروحي
بجي بجيت بروحي
سوالف سولفت بروحي
بولنغ رحت لعبت بروحي
حتى جنجفه لعبت بروحي لووول
....
طبعا يزاه الله الف خير من عطاني هالنصيحة
وعلى طاري النصيحة خل أقول لكم جم شغلة
..
الحر ونشفة الريج والبشرة
بمناسبة الحر الغير معهود
طبعا احنا هني عندنا ذبحتنا الرطوبة بس حر الكويت اتوقع ناشف
يعني هالنصيحة راح تيوزلكم اكثر
لا تطلعون من البيت إلى وانتو ماخذين بطل ماي معاكم
لأن الدراسات اثبتت ان الماي البارد يقيك من الاصابة بعدة امراض
تسببها الشمس والهوى الحار وانا لاحظت ان يخفف من التوتر اللي يسببه الحر
....
الحر وسيارتي
قبل جم يوم اتصلت علي عمتي حبيبتي تسأل عني
مع السوالف قلت لها عمتي حررر حرررر
اطلع من البيت ما اقدر ابطل باب السيارة
ادخل السيارة السكان ما اقدر المسه من كثر ما اهو حار
عطتني نصيحة ذهبية .. عسى الله يخليها يا رب
قالت لي يمه انا لما كنت اداوم قبل كنت شاسوي؟
آنه : شتسويييين؟؟
عمتي : اخذ معاي فوطة صغيرة مبلله بماي بارد
انه : @@ .. بس بيني وبينكم اهي ما شافت لول
عمتي : عشان اقدر ابطل باب السيارة
ولا دخلت السيارة مسحت السكان بالفوطة عشان اقدر امسكه
انتي سيارتج يلد يمه ؟؟
انا : اي عمتي
عمتي : اي عيل حطيلج فوطه شوي عودة داخل السيارة
وكل ما ييتي تركبين فرشيها
لووووووووووول حاسه فيني
....
نصيحة .. اذا مو شايف فلم
The Last Samurai
ضروري تشوفه
انا اليوم لي سادس مرة اشوفه ما حسيت اني مليت منه
وكل شي بكوم وكوتسومو بكوم
احسه بهالفلم اكل الجو على توم كروز
شوفوه بالله
أقول يا زين الحامل والمحمول بس
....
استرخاء على ضمانتي
بعد محاضراتي اللي تدوم اربع ساعات يالله من فضلك
ارجع البيت متلخلخه .. " لغير الناطقين بالكويتي الفصيح " متلخلخه يعني متليشه لول
" تعبانه "
في اللي يحس بتعب .. او توتر .. او حتى sleeplessness
اتبع الآتي
اترس الحوض bathtube ماي دافي مايل للحرارة
ونقط فيه من 7-10 قطرات من زيت اللافندر " الخزاما "
اللي ما يقدر يلقاه صافي خل يستخدم زيت فواحة الشمع مثل اللي عند البدي شوب
وماله اي اضرار لما تستخدمه بهالطريقه
على ضمانتي
على ما يترس الحوض جود قبلها انت مبلل فوطه صغيره بماي بارد او جاي اخضر بعد ما يبرد
وحاطه بالفريزر
قبل لا تطب الحوض .. طلع الفوطة الصغيره من الفريز وطب وحط الفوطه على عينك
ولااااااااتفكر بشي ابدا
اذا ما قدرت تتحكم بعقلك .. شغل الخيال او الذاكرة
حاول تتخيل جو صافي بطبيعه معينه
او تذكر مكان هادي رحت له وحبيته
او حاول تتذكر او تتخيل اشياء زينه تصير لك
كوب بابونج راح يساعد وايد بعد
همسة للمدخنين : حاول انك ما تدخن قبل كوب البابونج بعشرين دقيقه على الاقل ولا تدخن بعده
بعدها بجامة .. وفراش على طول
واذا ودك تسمع شي
انا احس انها تدبخني هالاغنية لول
بس قصر عليه وحط راسك ونوم العوافي يا رب
أشوفكم على خير
هناك 12 تعليقًا:
7ay aLah mn yana ;P
ارجع البيت متلخلخه .. " لغير الناطقين بالكويتي الفصيح 3jbtni
f3Lan wayed nas nesow 7cheyatna :P
7raaam kilaa bree7atch :S
bs ma 3lih kilhaa 7dedn sahL o trden enshalah
فسكرة يا هلا وغلا والله
لووووووووووووووول حديدن سهل اخيرا طلع احد يعرف حديدن سهل كل ما اقولها يقولولي شنو يعني لووووووول الله يعديها ان شاء الله
نورتي البوست حبيبتي
مشكورة على مرورج
وحشتوني :)
متلخلخة لووووول
يحليلها والله عمتج ( فوطه ) عاد .. قولي كمبل لوول يالله اييزي مع الحر ؛>
ولاست ساموراي .. فلم حلو بس ما يصير كلهم يموتون الا بوكروز !! ولا شرايج :)
يسلمووو
المفكر يا هلا وغلا
والله يا ثنكر صاج
انا نقدت على هالشغلة بعد بس المخرج عاوز كده
انا انقهرت لما مات كوتوسومو .. وحطيت جبالي قوطي الكلنكس وقعدت اعيط .. اتصل علي زوجي بعدها يقولي شفيج منو مضيق خلج قوليلي شصاير لا تخليني احاتي لووووووووووووووووووووووول
خفت اقوله كوتوسومو مات يصك الخط بويهي
عموما الفلم جميل مثله مثل قلادييتر وداي هارد وبريف هارت
ألف شكر لمرورك تنور البوست بطلاتك :)
حمدالله على السلامة
فتى الجبل
عاش من شافك ياخوي
والله يسلمك يا رب :)
اي والله شفته الفلم قبل جم يوم بام بي سي تو خوش فلم بس شنو هالبطل اللي بروحه بقى ما مات
وصاجه عمتج الحر يبيله ماي بارد عسى الله يحفظج ويحفظ عمتج
عدل كلامج كانو حاطينه
شكرا لمرورج حجيه نورتي البوست
كل هذا بقلبج بسبة الحر :))
سوي بيات صيفي ولا تطلعين الا شهر عشرة
يا هلا وغلا مشاري
واي لا لا انت مو متخيل والله امس وقفت اسولف مع ربعي شوي والله العظيم احس جني طابه حمام سباحه لاحظ درجة الحرارة 40 بالليل وكان يومها صار رطوبه بالله شسوي
والبيات الصيفي مسويته مسويته انا
ولكم باك
عرفته هذا الحامل والمحمول مو هذا جحا راكب البطل الصامت ؟ :q
المهندس
يااااااااااااااويلك من الله
هذا البطل الصاااااااااااامت؟؟؟؟؟؟؟؟
شوفه عدل عفيه
انا لو عندي حصان جذيه اصلا اسكر مدونتي ما احاجي احد لوووووووول
والبطل وينه وين جحا والله صك على توم كروز بهالفلم
حريتني لوووووووووووووووووووول
إرسال تعليق