صباح الخير كلكم
اتمنى انكم تكونون كلكم بخير يا رب
تصدقون ما عندي شي اليوم
بس صارلي فترة ابي ادخل اتكلم لكن ما عندي شي اقوله
تصدقون احس ولهانه على شي ما ادري شنو اهو
ساعات اقول هذا الاحساس من الغربة
اسأل نفسي : تبين ترجعين ؟؟
ارد على نفسي : لا مابي أرد
قعدت يمكن نص ساعة اطالع الشاشة افكر شنو الشي اللي ولهانه عليه
اكتشفت بالنهاية اني ولهانه على نفسي
جد فاقدتها
في احد حاشه هالاحساس؟؟
أشوفكم على خير
هناك 12 تعليقًا:
اهلين شخبارج وينج غاطه ؟؟
والله احنا الي ولهنا عليج يالغاليه
وفي احد ما يوله علي روحه
انا كل يوم احضن قلبي من الوله
حبيبتي انتي
عادي هذي حاله كلنا انمر فيها
تحياتي يا الغاليه
سلمي علي الوالده :)))))))))
اكيد الواحد يوله على نفسه .. مرات مع حووسه الدنيا ومشاغلها ينسى حتى نفسه .. ولج وحشه ترى ؛)
صبا
يا هلا وغلا انا الحمدلله بخير بس لاهية مع لوية الصيفي :(
ولهت عليج العافية وانا ولهت عليكم اكثر بعد
عجبتني " انا كل يوم اححضن قلبي من الوله " وعورني قلبي على هالكلمة بعد
ألف شكر لمرورج يا الغالية والوالدة ان شاء الله بتييني الثلاثاء يوصل سلامج حبيبتي
تحياتي يا الوردة
ذه ثنكر يا هلا وغلا
ما تشوف وحش ان شاء الله انتو اللي وحشتوني والله .. وصاج الواحد مع هالدنيا ومشاغلها ساعات ينسى نفسى وهذا اللي انا استوعبته توه
والحمدلله اني مو بس بروحي مريت بهالاحساس
ألف شكر لمرورك يا المفكر
والله لا يحرمنها هالتواصل
ana nfs e7sasch o ymkn akthr o akthr el ghrba 93baa o eL a93b ena n5af mn el mjhool !
93ba el ra7a fe hathy el deniya n7awel n3esh`ha mrta7en laken lel2sf tmr ayam a93b mn eli gblha !! sometimes agol I want my life back ! after wht happened to mom i feel like there's no life now but still i can see a little shiny star over there in the sky and that's my hope and wish.
thanks alot sis
فسكرة
يا هلا وغلا
والله بصراحة انا ما اقول اني بحجم المعاناة اللي تحسين فيها لكن شعور ان الواحد يفقد نفسه حيل صعب .. نحس حيل ولهانين على شي ما ندري شنو بعدين نستوعب ان ولهانين على روحنا
عسى الله يشافي الوالده يا رب وكل مسلم .. طمنينا عليها امانه
enshalah ya rb tslmeen ma g9rty alah yeshafeeha ya rb o tgom beslama la tnsonha bed3o2 :)
اللهم آمين يا فسكرة
والله عالبال عسى الله يشافيها ويشافي كل مريض يا رب
يمكن عندي الاجابه :)
انا اقول ،،صدي عن النت شوي ،،ودلعي عمرج
الواحد يتعب من الالتزام والروتين
وانشالله بنقرالج شي يفتخ العقل كالعاده
P:
انا ولهان على زمان الصبا
سليمان
يا هلا وغلا .. تصدق؟؟
انت يبتها رااايت .. يبيلة اصد شوي وادلع عمري .. يمكن مجابل النت اهو اللي مكسرني .. راح اخذ بنصيحتك هالجم يوم وباشوف شيصير ..
همسة اخيرة باذنك:
عسى الله يجبر بخاطرك يا رب
المهندس
يا هلا وغلا
وانا بعد والله ولهانه على زمان الصبا .. ساعات اغمض عيني واتخيل اني ليلحين ياهل .. وابتسم
شوف عاد يا يصحيني من السرحان رنه موبايل لا واللي يحر ان اللي داق ثجيل طينه
يا رنه جرس الحارس
يا صوت قوري الجاي
لعانه ما بعدها لعانه لول
إرسال تعليق