الجمعة، 2 أبريل 2010

Get set 2

صباح الخير عالجميع

أدري ان صارلي وقت طويل غاطة .. وفجأة طليت عليكم بطلتي البهية

أول شي الشكر الجزيل لأخوي المدون والاعلامي أحمد الحيدر لسؤاله

بصراحة ما أدري شنو أكتب في هالبوست .. صارلي فترة افتح المدونة وما عندي شي أقوله وحتى لو عندي حاسه نفسي ماني قادرة أصيغ جملة

انشغلت الفترة اللي طافت بكتابة الرسالة .. ووصلت بتاريخ 10/3 للبحرين وعلى أولي وديت شغلي حق مشرف رسالتي واللي كتبت منه فصلين .. شهر كامل حكرت نفسي أيمع بهالمراجع واقرا وقهوه وسهر ورد بل وحكره

عشان ايي البحرين وينقال لي ( ايه ده يا بنت بطنها .. فين باقي الشغل؟)

ما ادري ليش حسيت ان رسالة الماجستير المفروض الواحد يخلصها بشهرين بهالكلمة .. حاشني احباط مو طبيعي ومن تاريخ 14/3

وانا كل ما فتحت اللابتوب عشان أقرا اييني النوم حتى لو كنت توني قاعده من النوم فارجع انام مرة ثانية ههههههههههه

والله بدون مبالغة هذا اللي صاير .. حاليا انا قاعدة ادون لكم .. لكن ادري بس افتح شغلي عشان اكتب جملة وحده راح ادوخ قبل ما اكملها .. لا قهوة نافعة ولا رد بل .. ما ادري اذا مطوله على هالحالة ولا لا بس ان شاء الله ما تطول السالفة

اللي يمر من هني يعطيني تفسير حق هالحالة وعلاجها بارك الله فيكم

أشوفكم على خير

هناك 12 تعليقًا:

غير معرف يقول...

صبحج ومساج الله بالخير

ما عندي الا ادعي لج ربي يوفقج وينور دربج

حفظك الله و رعاك

بـنـت بـطنـهـا يقول...

غير معرف

صباحك نور ورضى من رب العالمين

شكرا على هالدعوة اجمعين يا رب

وشكرا جزيلاً لك على المتابعة والحضور الدائم

اختك

غير معرف يقول...

وليييين

وبعدين معاج حبوبه .. جذي باخذ منج 20 عالاستشارة هههههه الاولى كانت شلون تكتبين البحث وخليتها بالمجان بس هذي لا ابي نوط وهااا ديري بالج الاستشارة اللي بعدها على كل سطر نوط ((فديتج))

شوفي حياتي
الرغبة في النوم لها أسباب كثيرة بتنيحس ومارح اقولها ولا اقول علاجها عشان تطلبين جلسات مو بس استشارة هههههه لكن عندي لج حل مبدئي يا طويلة العمر يقول..

طالما النوم مرتبط بالرسالة فـ ما تنلامين !! قولي ليش ؟! قلتي ليش ..

لأن الرسالة شي كبير يعني هدف كبير ومهمة كبيرة وطبيعي جدا يتهرب منه عقلج الباطن بطرق وايد.. لكن عندي الحل وانا بوهندي ولا يهمج وبعطيه لج بخطوات..

1- تحطين لج هدف صغيرون تسوينه كل مرة يعني تقولين اليوم بقرأ الموضوع الفلاني من الكتاب الفلاني ولاحظي اني قلت موضوع مو فصل

2- وانتي تقرين الموضوع ركزي فيه لا تفكرين بالرسالة كلها لان هدفج اليوم مو تنتهين من الرسالة لأ هدفج محدد واضح واهو تقرين الموضوع هذا بس

3- اذا خلصتي من هدف اليوم كافئي نفسج على طول بشي ماقط سويتيه يعني مثلا نطي وقولي هييييا انا بطله هههههه أو اخذي كاكاو وفتحي البلكون واستمتعي بكل قضمه وحسي بذوبان الكاكاو وانتي مغمضه بس ديري بالج لا تطيحين من البلكون وابتلش فيج

وعقب اذا حسيتي بنشاط وتبين تكملين حطي بعد هدف صغير


وااااي فديتني وانا اهبل خخخخخ

عاد اذا انتي شاطرة تعرفيني

بايات حياتو

بـنـت بـطنـهـا يقول...

غير معرف

بعد قلبي والله يا ام الحلول

تدرين عاد؟؟ ان طريقتج هذي نفعت معاي وريحتني حيييل بديت اتقبل فكرة ان عندي شغل لازم اسويه هذي اهي كانت مشكلتي :**** عسى الله يخليج لي قولي آمين

قلب طفله يقول...

صباحووو ورد ع الحلوين :)

و الله يختج هاذي حالتي من اخر سنتين بالجامعه و للحين تحوشني لبغيت احضر
دروسي و لا بكتب شي مهم اقفل و
يزورني النوم اسميها حالة مالي خلق
الله يفكني و يفكج منها لوول
انا احاتي لقدمت ع الماستر احسها
زادت مع تقدمي بالعمر لوووول

ربي يوفقج و يسهل عليج و يبعد
عنج حالة مالي خلق و يحفظج

لا طولييين عليناااا
:***

Sweet Revenge يقول...

كل عام وانت بخير بنت بطنها
مبارك عليج الشهر الكريم :)

قلب طفله يقول...

مبارك عليج الشهر يا الغاليه
و عساج من عواده يارب

:***

(( أبوغرايم )) يقول...

(:

هلا أخيتي بنت بطنها
وين هالغيبه من غير شر صارلج فتره قاطعه عن التدوين !

عساا المانع خييير(:

حبيت أمر وأسلم قلت لعل وعسى تقرين هالتعليق ولو بالصدفه (:

تمنياتي لج بالتوفيق والنجاح في حياتج العلميه والعمليه والأجتماعيه

كل الغلا

(:

secret يقول...

غياب طويل نتمنى انه ما يدوم أكثر

:)

almthalia يقول...


شركة المثالية للتنظيف
شركة المثالية للتنظيف بالدمام
شركة المثالية للتنظيف بالخبر

almthalia يقول...


شركة تنظيف منازل بالجبيل
افضل شركة تنظيف بالجبيل
شركة تنظيف شقق بالجبيل
شركة تنظيف فلل بالجبيل
شركة تنظيف بيوت بالجبيل

افضل خدمات شركة المثالي جروب للتنظيف بالجبيل نظافة شاملة للمنازل والشقق غسيل جميع انواع المفروشات والكنب والسجاد صيانة دورية للمنزل والمسابح اسعار مميزة بجودة ومواصفات قياسية بخصومات هائلة مع شركة المثالي جروب بالجبيل

almthalia يقول...


شركة تنظيف منازل بالخبر

شركة تنظيف منازل بالخبر شركة المثالية هي افضل شركة تنظيف بالخبر يمكنكم التواصل معها للحصول علي افضل خدمات تنظيف المنازل والشقق والفلل والبيوت والمجالس والكنب والسجاد والموكيت والمفروشات بجودة عالية ومواصفات قياسية حيث تعد شركة تنظيف منازل بالخبر اولي الشركات التي التي تخصصت في مجالل التنظيف بالخبر ولديها خبرة كبيرة وعمالة ماهرة وادوات تنظيف حديثة وطاقم عمالة مدرب علي اعلي مستوى فلا تترددوا في الاتصال بشركة المثالية للتنظيف بالخبر وسوف تحصلون علي افضل الخدمات المنزلية من نظافة ومكافحة حشرات بارخص الاسعار