يا رب الجميع بخير ..
المدونة هذي .. بدا دورها الفعلي بالنسبة لي .. راح استخدمها كمساحة تنفيس بهدف توثيق للمرحلة اللي أعيشها الحين في الغربة في اعداد الرسالة من A to Z
الفترة هذي انا بصدد اعداد خطة البحث .. وكلي أمل اني اقدر اقدمها قبل موعد السمينار المقترح تاريخ 14/12
من أربع ايام ومن يوم بلش الشغل يصير جد .. وانا متعومسه لول
انا اللي مختارة الموضوع .. وانا اللي مصرة عليه .. وحابته وايد وايد .. وعلى الرغم من اني راسمة اهدافي وعارفه شلون اوصل لها وهم متوترة ليش ما أدري
بابتدي الحين" الخميس"
اكتب : مشكلة البحث ، أهمية البحث ، أهداف البحث ، تساؤلات وفروض البحث ، منهج ونوع البحث ، مجتمع وعينه البحث ، أدوات البحث ، التبويب المقترح ، والمصادر والمراجع اللي عندي
لكل من يمر من هنا
ادعي لي بالتوفيج
.
.
.
أشوفكم على خير
هناك 14 تعليقًا:
وعليكم السلام ورحمة الله وبركاته
بالتوفيق يارب
ابعدي عنك التوتر
ولا داعي له اصلا طالما حددتي اهدافك وتعرفين كيف تصلين اليها
اعتقد الامر كما يكون في الاختبارات التوتر عند استلام ورقة الاختبار
وبمجرد البدء بالكتابة وحل الاختبار يزول التوتر
سمي وتوكلي على الله وابداي
وبالتوفيق
حبيبتي انتي..
وحشتيني يالتعبانه :(
شوفي حياتو انا بعطيج معلومه اكتسبتها من د.طارق السويدان الله يطول بعمره ويخليه لنا<< :) أحبه موووت بس لا تعلمين مدامته :))))
يقوللج الله يسلمج.. اذا بتجهزين لمحتوى محاضرة او بتكتبين فهرس كتاب فأفضل طريقه اهي 3 في 5
يعني تفترضين ان عندج 5 فصول وكل فصل فيه 3 او 5 اقسام او العكس 3 فصول وكل فصل فيه 3 أو 5 أقسام! وتالي تعبين الفراغات!! عاد وقتها بتطلع اقسام ماكانت على بالج وبتختصرين اقسام اخرى
وفعلا الطريقة وايد وايد وايد حلوه ومفيدة وراااائعة جدا مثل صاحبها اللي اقترحها :$
يارب يوفقج ويخليج ويسعدج ويردج لنا سالمة قولي آمين
هنودة من الكويت.. تسلم عليج
(:
يعني بتخلين المدونه كتاب مذكرات لج (:
الثقه بالنفس مطلوبه جداً في مثل هالحالات ومادامج راسمه أهدافج ! شحقه متعومسه ههههه
عموما أخيتي , الله يعينج ويحفظج بالغربه ياااارب
وبالتوفيق إنشالله
ناطرين أخبارج
(:
غير معرف 1
اهلا وسهلا
اي والله بالضبط ترى نفس الاحساس مال الاختبارات بس على وقت اطول
شكرالمرورك ، لدعمك ودعواك
غير معرف 2
هلا هلا هلا هلا
والله وانتي اكثر .. الاسبوع اللي طاف كنتي دايما على بالي والله
تصدقين والله خوش طريقه بس ما جربتها من قبل .. واجربها اليوم ليش لا تالي اعطيج الاخبار :)
هنودة من الكويت عطيها بوسه كبيييرة مني
عسى الله يحفظكم يا رب لا تقاطعين
بو غرايم
اهلين وسهلين خيو
صحيح هذي المدونة بس اللي راح تكون دفتر مذكرات .. اما البقية راح يتمون مثل ما اهم :)
بيني وبينك الثقه موجودة بس ليش التوتر ما ادري .. شكرا لدعائك وسؤالك
الله يعينج بنت بطنها ويسر امورج
المعتدل مافي منه ضرر بالعكس يخليج تشتغلين افضل وتقدمين احسن
اخذي نفس عمييييييق وارتاحي
لان انا متاكدة راح تبيضين الوبة ;)
وطمنينا عليج .
اشربي قهوة و فكري عدل ..
و نحن نتريا
: )
خخخخ
سويته
هلا وغلا وعاش من شافج وين هالغيبه ؟؟؟
والله هذا انا باخذ نفس حده عميق لول وبرجع اعدل عاللي كتبته لاعت جبدي من التعديلات لوول
نورتي البلوق ولا تقاطعين
دبي يا هلا وغلا نورتي
والله حاليا قاعدة اشرب Red Bull
بس اشرب قهوة بعد شوي ليش لا
نورتي يا دبي
لازلنا ندعي .. موفقة انشالله :)
أحمد الحيدر يا هلابك
وبارك الله فيك على الدعاء استمر وانا اختك ههههه
لا خلا وعلى عدم يا رب
ألف شكر لك على المرور
موفقة انشالله ...
بس جنج نسيتي تبلغيني بآخر المستجدات أختي ؟
حبينا نسلم ونذكر بس :)
احمد الحيدر اهلين وسهلين خيوو
تسلم على هالطلة المشكلة اني ماني حاسة اني اعرف اصيغ جملة هذا اللي ماسكني عن التدوين لكن ما طلبت الا عزك :) ان شاء الله خير
إرسال تعليق