السلام عليكم ورحمة الله وبركاته
لكم فرية بصراحة فقدتكم جميعا .. أتمنى ان الجميع بخير
قعدنا اليوم الفير وزهبنا اغراضنا وتوجهنا لـ طريج السفر
يا حلات السفر بالنهار أول مرة أجربه من الديرة
وهذا انا وصلت البحرين
وها نحن عدنا ننشد الهولو على ظهر السفينة
بكل نشاط وحماس أستقبل الكورس اليديد .. يارب يتم معاي لي آخر الكورس وما تطلع السالفة فزة خيل
راح أوافيكم بآخر الأخبار بكل بوست باذن الله
ادعولي بالتوفيج عاد :)
(وينج يا كويت) محدثتكم بنت بطنها من قلب شقتي
قبل 6 أشهر
هناك 29 تعليقًا:
بنت بطنهااااا
إزيك يا بنت؟ الحمدلله على السلامة وعساج على القوة وتطلعين الأولى يا رب
P:
ونقرالج كل زين وإنتي زين على زين :))
وناسة أول تعليق هذا وأنا مختفية صار لي مدة
:)
yin
هلا هلا هلا هلا
أول الواصلون على قولة برنامج الحصن قبل .. عاش من شافج حبيبتي انا بخير الحمدلله انتي شلونج ؟؟
مشكورة يا قلبي على الدعوة الحلوة واااي وناسة
يعلج دوم مستانسة وبخير
عاش من قال ..أنا بخير الحمدلله
شخباري برنامج الحصن؟!؟!؟! بس صج كان من أحلى البرامج شكثر أحبه لو يشيلون كل برامج الكويت ويخلون بس إعادة لحلقات الحصن أبرك "))
وهذي دعوة ثانية
يا رب تطلعين الأولى على الكلية كلها
:)))))))
واااااااااااااااااااااااي وناسه لوووووووووووول لا تشوفين الكشرة من وين لي وين خوش دعوة
واي بيني وبينج حتى انا ترى برنامج الحصن كان شي مميز بالنسبة لي عادي اسجل الحلقات اشوفهم كل يوم ما عندي مشكلة لول
بالتوفيق
والحماس في طلب العلم يستمر باذن الله طول العمر ان شاء الله ومو بس الى اخر الكورس.
تحياتي
صلاح
يا هلا والله مشكور ما قصرت
يا رب الله يسمع منك ياخوي :)
ما قصرت على هالدعوة اي اي جذية ونسوني :)
الحمد لله على السلامة
ويارب يبقى وياج
وربي يوفقج في الدراسة
وفي دينج ودنياج
ونشوفج في التلفزيون اتسلمين على ملك البحرين ربي يحفظه وتستلمين الشهادة
ولكن .....
وما نيل المطالب بالتمني
ولكن تؤخذ الدنيا غلابا
خليه يسوي الواجبات
وانت اكتبي لنا بوستات
:)
حفظكم الله ورعاكم
بالتوفييييج ان شاءالله يلا يلا شدييي الحييل علشااان باااجر ترتاااحيين و كله قولييي انا بشد حيلي علشان اخلص و ارتاااح :))))
الله يوفقج ان شاءالله و يوفقنا :))
و نسيت اقولج الحمدالله على السلامة :))
بنت بطنهاااا
الحمدلله عالسلامه
يا عسااااج دوووم تنشدين الهولو
قولي آمين
الله يوفقج يارب ويوسع لج دربج ولا يضيق خلقج ويوسع صدرج وينسيج الغربه
آآآآآآآآآآآآمين يارب
شوقتيني حق الدراسة
:)
الله يوفقج
الدراسة حلوة
ما لها نهاية
شنو تدرسين هناك ؟؟
شدي حيلج يالله علشان تردين الكويت بخوش قريد :)
موفقه
و حطى حيلك بالحلوى و المتاى
:)
بمـــا انهم كلهم دعووووا لج ..
فـ بالضـروره أنا أدعي عليــج لاني خالف تعرف ;q
لوووووووووووول
الحمدلله على سلامتج ويالله قعدي نظفي قلب الحدث ولا تنسي اهم شي المعده اقصد المطبخ D:
سلميلي على كليتكم وقوليلها ان قلب الحدث الكيويت يسلم على الأمعاء البحرينيه <-- احس كليتكم كلها ممرات مادري ليش فيلوق عليها أمعاء ;a
هالله هالله بالماي لقاح مع الجاي يمدحونه بس انا ماحبه عشان جذي أنصحج فيه ;a
موفقه حبيبتي :*
نص الكومنت مالي بدليات ويح قلبي :\
السميه
ولهت عليج
وينج تدرسين بالبحرين
بعد قلبي الله يوفقج يارب
بس لو سمحتي وانتي راده ما وصيج
متاي ... وحلوي بحرينيه :))
اي نسيت المتاي ابي واحد حار وواحد عادي من غير فلفل
انشالله تنجحين وتخلصين وتنزلين الي ساحة المعلركه الشغل وتذوقين حلاوة التعب
الا ما قلتيلي شخبار ال ماما ماشفتيها بالعيد
ابو لطيف
يا هلا وغلا
آآآآآآآآآآآآآآآآآآآآآآآآميييييين
خوش دعوة والله حدها يازتلي كثر منها كل ما مريت عالبوست عفيه لول
وان يايه على الواجبات لا تحاتي مو مقصر لين آخر شي قالي " شرايج اداوم بدالج بعد " لوووووووووول
نورت يا بولطيف لا عدمنا هالتواصل
عبادي هلا والله الله يسلمك من كل شر يا رب
والله هذا انا قاعده احاول اقول جذيه
والله كريم ان شاء الله
ما قصرت ياخوي لا خلا ولا عدم ان شاء الله
كويتاوي يا هلا وغلا
بعد عمري ما قصرت على هالدعوة الحلوة ولك مني كثر اللي دعيته لي مرتين :)
بشر عاد شكثر بقالك انت؟
منوله يا هلا وغلا
اجمعين يا ربي
يالله يالله عزمي مدام شوقتج شدي حيلج وعزمي تكملين صج تعب لكن والله ايام حلوة :)
سارونه يا هلا وغلا
وعاش من شافج
ادرس علاقات عامة واعلام :)
مشكوره يا قلبي على هالتشجيع
والله كريم ان شاء الله :)
نورتي
براقش يا هلا وغلا
اجمعين يا ربي وبيني وبينج اذا عالحلوى اوكي بس المتاي مو ذاك الزود معاه :)
نورتي يا قلبي
كويت
لوووووووووووووول والله جنج تدرين من اول امس وانا شيل وحط مع قلب الحدث ليش قعدت شهر بالكويت فرديت لقيت الغبار تارس قلب الحدث بشكل مو طبيعي ووصفج للجامعة نوعا ما صح فلا يأنبج ضميرج لول
نورتي يا كويت :)
صب صب يا هلا وغلا
شلونج انتي يا قلبي انا تمام التمام :)
واي والله ادرس هني ومن عيوني الثنتين تامرين امر ما طلبتي إلا عزج
وبعد قلبي على هالدعوة الحلوة اجمعين يا ربي والماما بخير وقضيت رمضان كله عندها بالكويت وان شاء الله على اسبوع الياي راح تيي بعد قلبي والله مشكوره على السؤال حياتي
الحمد لله على سلاااامتج يالغاليه ^_^
عسى الله يوفقج وييسر لج كل عسر ،، تستاهلين الخير كله انتي ؛>
عاد هالله هالله بالدرجات بشرينا ^_^
ناطرين يدييدج
حمدلله على السلامه و ان شاء الله تظلين مندفعه فو ويل درايف بكل نشاط و حيويه
وعطني ولعه
the thinker
أهلين وسهلين خيووو عاش من شافك
ما قصرت ياخوي وان شاء الله بس تطلع نتايج الكورس راح تشوفني حاطه اعلان لا تحاتي :)
نورت مفكرنا
the boss
يا هلا والله
آمين آمين الله يسمع منك ياخوي
ما قصرت خوش دعوة لول
نورت
الحمد لله علي السلامة ,بالتوفيق يارب
حاولي تخططين للكورس من الحين علشان الامور تمشي معاج سهالات
منورة :)
سويته يا هلا والله
الله يسلمج وراح احاول باذن الله الف شكر لج حبيبتي على النصيحة :)
إرسال تعليق