طلعت نتايجي .. وكانت احسن من توقعاتي ولله الحمد
بالمادتين straight A's
طلعت من باب الجامعة وحسيت ولأول مرة بالفعل بكلمة " الأرض مو شايلتني"
ركبت السيارة دقيتها سلف ولا يشتغل الراديو قناة سوا ولا حاطين أغنية "i believe i can fly"
يااااااااه شنو الاحساس حلو .. قمت اهز راسي مع الأغنية من الوناسة
وقلت ماني رادة البيت لازم اطلع احتفل مع نفسي
رحت آكل بجليز .. والغريبة اني بالاسبوع عالاقل مره اكل فيه .. اول ما سألتني الويترس شنو تبين تاكلين جان اطالعها ماني عارفة شاكل لاني فجأة اكتشفت اني مو يوعانه لوووووووول
بس رديت عليها قلت لها عطيني أحسن شي عندكم .. ههههههه
لما مشت صفنت ..
تالي انكسر قلبي على روحي
وبدا احساسي بالفرحة شوي شوي يتلاشى
هل الانسان يحتاج إطراء عشان يحس بانتصاراته ؟
أو يتوقع دايما لأفعاله ردود أفعال ؟
أو انه محتاج وجود احد معاه عشان يشاركه فرحته ؟
ولا لأن انا دعله قاعدة أفكر بهالطريقة؟
شنو ماكان الجواب
إلا اني ادركت ان فرحة الانسان ما تدوم إذا كان بروحه ..
وجود الناس حولنا نعمه .. يشاركونا أفراحنا وآلامنا
ولا شلون قالوا حشره مع الناس عيد ؟
أشوفكم على خير
هناك 23 تعليقًا:
اول شي مبروك علي ال A
وليش التفكير السلبي هذا بالعكس
حبي روحج واحتفلي مع روحج مافيها شي
صحيح ان وجود احبابج حوالينج يزيد الفرحة وتحسين فيها اكثر بس همن ما يمنع انج تحتفلين مع روحج بروحج ولا ماتستاهل بنت بطنها ؟
اقري بوست استكانة الاخير يتكلم عن هالمعني ومعبرة فيه احسن مني ,عجيب لايطوفج
الله يبارك فيج حبيبتي والله
لا والله تصدقين ماهو تفكير سلبي كثر ماهو احساس
وانا احتفلت بروحي ما عتني شي لكن الاحساس الاحساااس غريب
وبوست استكانه والله جني قاريته اذا ما خيبني ظني بس خل ارجع اشوف يمكن في غيره
مشكوره يا قلبي على المرور
وشدي حيلج نبي شي يديد عاد
مبروووك الـ A ^_^
وعقبال ما تخلصين دراستج بهالتقدرير ^_^
اما الفرحه ..
صحيح ان الفرحه اول وتالي لج بروحج .. وراح تستانسين ..
بس برايي .. وجود الناس يزيد الفرحه .. خصوصاً اذا كانوا فرحانين من قلب .. مو مجامله !
وعسى ايامج كلها فرح وسعاده ^_^
بودي
يا هلا وغلا الله يبارج فيك ياخوي ما تقصر
وانا بعد اقول جذيه .. الفرحه اهي الفرحه لكن لما يكونون حبايبك حولك يصير طعمها غير
الف شكر لمرورك ياخوي
وعليكم السام ورحمة الله وبركاته
مبروك .. مبروك .. مبروك
وعسى دوم في الدراسة والحياة عموما باذن الله تكونين في المقدمة
وكل على سعيه
تصوري لاعب يسجل هدف الفوز لفريقة في مبارة نهائية ... وماكو جمهور على المدرجات ..
وهو يركض بفرحة الهدف كالعادة
ويتلفت يمين يسار ...يلقى ربعه مو حوله ..انتهت المبارة ورايحيين لغرفة الملابس
شنو احساسه ؟؟؟
جعل الله كل ايامك افراح
ابو لطيف
هلا وغلا
الله يبارج فيك والف شكر على هالدعوه
احساسه مو شي كلش احبااااط
تصور واقعي للاحساس اللي مريت فيه ياخوي .. مثل اللاعب هذا بالضبط
...........
اللهم آمين واجمعين يا رب
نورت البوست بمرورك يا بولطيف
عالبركة على الA
اذا يقولون الفرص اتمر مر السحاب .. نفس الشي الفرحة.. لو انا بدالج ادق على ربعي اقولهم عازمكم على عشا بمناسبة نجاحي :) و اتصير الفرحة احلى
مبرووووووووووووووووك
بالاحضان يا وخيتي بالاحضان
يضيق خلقج واختج صبا موجوده !!
شنو مو تارسين عينج
لا والله لا تفكرين بهالطريقه لانه مو بس انتي الي فرحانه بنتيجة تعبج وجهدج الكون كله فرح معاج واحنا بعد
عاد صج خوش خبر وتستاهلين بوووووسه
ومنها للاعلي يالغاليه
ولهت عليج
:*****
alf mbrook yal ghaliyaa
o en yaat 3la el w7daa
maraat 7etaa o entay m3 el nas t7sen ench w7edaa
hatha e7sasee sa3at
bs rbch ysahlha 3lina dayman
el7mdelah o alf mbrook again ;***
luv u sweet unknown sis ;p
عبادي
يا هلا وغلا والله يبارج فيك
وين ياخوي انا بديره وربعي بديره .. ولا ليش باطلع بروحي من الاساس لول
حياك الله ياخوي نورت البوست بمرورك :)
صب صب
هلا هلا هلا هلا هلا السميه
اولا الحمدلله على سلامتج بالاحضااااااان ياختي لول
الله يبارج فيج يا قلبي ما قصرتي .. ولا والله تارسينها ونص بعد ولا ليش اقول لكم عيل
يا قلبي انتي والله الكومنت مالج حده يونس عسى الله لا يحرمني هالطلة الحلوة
ألف شكر حبيبتي سعيدة بهالمرور وهالكلام الحلو
والله صج لج فريه انا بعد ولهت عليج
:*
فسكرة
يا هلا وغلا وعاش من شافج يا اختي الحلوه
وبيني وبينج صاجه ساعات حتى واحنا مع الناس نحس بوحده
الله يبارك فيج يا الغاليه ما قصرتي
استانست لما شفت اسمج بين الردود ولا تقاطعين عاد
لوف يو :*
تصدقين ولا احلفلج؟؟؟
اقرأ البوست واحس بشعورج
لأن مرت علي هالحاله بس بطريقه مختلفه :)
وبتمر علي عن قريب انشاءلله
اهنيج على تفوقج ونجاحج
الله يوفقج يارب
ونااااسه مبرووك على القريدات الحلوة
وانشالله دوم As يارب D;
وعااادي انا لو منج والله اروح واشتري جم شغله بعد اكافئ عمري ^^
بس هم مع الاهل او رفيجاتج غير لانه اتحسين صج فرحانين لج
;))
لول كويتاوي يا هلا وغلا
لا لا اصدق لا تحلف لول
لا تقولي انك بالكويت حاليا وبترجع تسافر مره ثانيه ؟؟
لول لاني احتمال ارجع الكويت اسبوع الياي انطر خل تخلص اجازتي عشان نواسي بعض لووووول
نورت البوست ياخوي والف الف شكر على هالتهنئة الحلوه
سكاي از فولن
يا هلا وغلا فيج اختي
والله بيني وبينج انا ما خليت شي ما شريته لووووول كل يوم شاريه شي يديد على بو بكافيء نفسي
وصاجه مع الأهل والربع الفرحة غير .. بس تدرين ترى لازم نعود روحنا نفرح بروحنا ولا جذيه نتعب
مشكورة على مرورج حبوبه
ويالله شدي حيلج نبي بوستات بمدونتج عاد :)
يا معووووده ويييييييييييين
حرام عليج
والله من جد حرام علييييج
شنو بالكويت وبرجع اسافر مره ثانيه
لا يا حبيبتي العكس العكس
صارلي شهور عديده برا الكويت
واحتمال ارجع الاسبوع الياي
اول اسبوع من رمضان
الله يسامحج
شنو بالكويت وبرجع اسافر مره ثانيه
:(
لووووووووووووووووووول
كويتاوي
اووووله اوووووله جذيه زعلك التخمين لوووووووووووووول
انت قلت قريب بارجع لها قلت اكيد بالديره وقريب يرجع يسافر لول
خلاص نرمض يميع بالكويت وتالي نواسي بعض بعد شتبي آمر انت بس؟؟؟
مبرووووووووووووووووووووووك
فعلا فعلا فرحة مو طبيعية
حسيت بكل كلمة قلتيها
لاني مريت بنفس االموقف
بس تدرين
شلون الاحساس اذا كان الكل حولج
بس محد اهتم ؟
شفتي وين الفرق
الله يوفقج ويحميج
:)
كل عام وانتي بخير
تراب الكويت
يا هلا وغلا الله يبارك فيج يا رب
لا لا عفيه الاحساس كلش مو شي مابي حتى اتخيله :(
خلاص انا اهتم ولا يهمج انتي استانسي معاي وانا اهتم واستانس معاج شتبين بعد لول
نورتي البوست حبيبتي :)
العيد عليج مبارك يالغالية :)
و تعودينه بالصحه و العفو و العافية يا رب .. :)
يالله ولهنا عليج كتبي شي يديد
فسكرة هلا يا قلبي انا والله اللي ولهت عليج كل عام وانتي بالف خير وايامج سعيده يا رب
شركة مكافحة بق الفراش بمكة
صقر البشاير شركة مكافحة بق الفراش بمكة التى تقوم بأتباع افضل و احسن الطرق للتخلص من بق الفراش و ايضا جميع الحشرات فمن خدماتها رش حشرات بمكة التى تشمل التخلص و مكافحة العته بمكة , مكافحة صراصير بمكة , مكافحة صراصير بمكة فهدف الشركة هو توفير بيئة نظيفة لك بدون حشرات
رش حشرات بمكة
https://elbshayr.com/3/Pest-control
إرسال تعليق